Allaha u naxariistee, Xasan Aadan Cabdulle ( Xasan Yare ) oo ka tirsanaa hoboladda qaranka Horseed ayaa magaalada Muqdisho ugu geeriyooday xanuun dhanka wadnaha ah, iyadoo kooxaha fanka Soomaaliyeed ka tacsiyeeyeen geeridiisa.
Xasan Yare, Waxaa uu ahaa tiirarka ay kooxda Horseed ku taagan tahay dhanka laxamada iyo Heesaha ay qaado kooxdu, golaha abwaanada Soomaaliyeed kooxaha Horseed, Heegan, Waabari , fanaaniin iyo Abwaano ka tirsan ayaa tacsi u direy qoyska Xasan Aadan Cabdulle ( Xasan Yare )
Taliyaha kooxda Horseed oo uu fanaanku ka tirsanaa Cabdullahi nuur Xalweyte iyo abwaan Xasan Nuur Maxamed (Xasan Huburoow) ayaa ka sheekeynaaya taariikhdii faneed ee Xasan yare Allaha u naxariiste.
Abwaan Xirsi Dhuux Maxamaed Wehliye, gudoomiyaha Golaha Abwaanada Soomaaliyeed ayaa asna uga tacsiyeeyay, fanaaniinta, ehelada iyo dowlada Soomaaliyeed geerida Xasan Yare.
Allah u naxariistee, Xasan Yare, waxa uu ahaa laf-dhabarka kooxda Horseed maanta lagu aasay magaalada Muqdisho, waxaana aaskiisa ka qeybgalay bahda fanka Soomaaliyeed.
