Golaha Baarlamaanka Galmudug ayaa maanta oo arbaco ah ansixiyay miisaaniyada 2020 oo Wasaaradda Maaliyadda ay horgeysay dhawaan.
64 Xildhibaan oo kulanka maanta soo xaadiray ayaa dhammaantood ogolaaday, kaddib markii ay ka doodayeen maalmihii la soo dhaafay sida uu sheegay Guddoomiye Dr. Maxamed Nuur Gacal.
Miisaaniyadda 2020 ee Galmudug ayaa lagu qiyaasay $17,230,54 (Todobo iyo toban malyan, laba boqol iyo soddan kun, konton iyo afar doolar), taasoo muujinaysa koror balaaran, marka loo barbardhigo tii sanadkii 2019 oo ahayd $6,960,705, iyadoo cel celis ahaan ay korortay miisaaniyadda.
Guddoomiyaha Baarlamaanka Galmudug Dr. Maxamed Cali Gacal ayaa sheegay inay Xildhibaanada Galmudug u codeeyeen Maasaaniyadda lasoo gudbiyey isla markaana ay hadda wixii ka dambeeyo tahay mid ansax ah.
Hoggaanka cusub ee Galmudug ayaa xoogga saaraya hagaajinta maamulka maaliyada, sare-u-qaadida daqli gudaha iyo hirgalinta kaabayaal dhaqaale.
