Baarlamanka dowlad goboleedka Galmudug ayaa maanta guda galay sameynta gudi hoosaadyada Baarlamaanka, kaddib markii 1-dkii bishan ay meel mariyeen xeer hoosaadka barlamaanka Galmudug uu ku shaqeynayo.
Kulanka Baarlamanka maanta oo ay soo xaadireen 52-Xildhibaan ayaa Xildhibaanada loogu qaybiyay qaab dhismeedka gudiyada iyo waajibaadka gudi walba loo xilsaaray, iyagoo isku afgartay in gudiyada la sameynayo ay ka koobnaan doonaan sagaal guddi.
Related posts
Guddoomiyaha golaha Baarlamanka Galmudug Cali Gacal Casir oo ka hadlay gudiyada 9-ka ah ayaa tilmaamay in sagaalka guddi ay kala yihiin.
1-Guddiga xeer hoosaadka iyo anshaxa
2- Guddiga dib u eegista Dastuurka iyo arrimaha gudaha
3- Guddiga garsoorka awqaafta iyo arrimaha diinta
4- Guddiga arrimaha bulshada
5- Guddiga Beeraha, Kheyraadka iyo Biiโada
6- Guddiga dhaqaalaha iyo maaliyadda
7-Guddiga wadooyinka, Dekadaha iyo howlaha guud
8- Guddiga xuquuqul insaanka, Haweenka iyo arrimaha beni’aadanimada
9- Guddiga xuduudaha iyo amniga.
Sidoo kale isla maanta ayaa Xildhibaanada loo qaybiyay warqadda ay ku soo dalbanayaan ka mid noqoshada gudiyadaas la samaynayo, kaas oo Xildhibaanka doonaya inuu gudiyadan ka mid noqdo uu ku kala xulanayo.
“Waxaan qaybinay warqadda xulashada gudiyada, waxaa nagu soo fool leh inaan samayno gudiyadii, sidaas darteed waxaan qaybinay warqadii Xildhibaanku uu ku kala dooran lahaa, gudiga uu danaynayo aqoona u leeyahay, wuxuu ku soo lifaaqayaa shahaadadiisa iyo taariikh nololeedkiisa meeshaas ayaa lagu salaynayaa qof walba gudigii uu ku biiri karo, dad sharciyada bartay baa ka mid ah, iyo dad heerarka kala duwan ee Jaamacadda ka baxay, marka waa la isku fiirin doonaa aqoonta iyo waaya aragnimada”ayuu yiri Guddoomiye Gacal.
Todobaadka soo socoda ayaa qorshuhu yahay in la dhamaystiro samaynta gudiyadan, si ay uga hawl bilaabaan waajibaadka horyaalla.
