Golaha Wakiilada Dawladda Liibiya ayaa kalfadhigoodii rasmiga ahaa ee sanadkan waxa uu uga furmay magaalada Sirta, iyadoo uu shirguddoomiyey kalfadhigaas guddoomiyaha Baarlamaanka Liibiya mudane Caqiila Saalax.
Kulanka kalfadhiga Baarlamaanka Liibiya waxaa sidoo kale soo xaadiray guddoomiye ku-xigeenka Koowaad Prof. Fawzi Al-Nuwairi iyo ku-xigeenka Labaad Dr. Ahmid Houmeh, sidoo kale waxaa kalfadhiga joogay 132 Xildhibaan oo kamid ah tirada uu ka kooban yahay Baarlamaanka Liibiya oo dhan 200 oo Xidhibaan.
Ajandaha kalfadhiga Baarlamaanka Liibiya waxaa ugu muhiimsanaa in golaha ay si rasmi ah kalsooni u siiyaan Xukuumadda cusub ee uu dhowaan soo dhisay Ra’iisul Wasaaraha cusub ee Liibiya, si ay u bilowdo shaqada laga sugayo, waxaana fadhiga codka kalsooni siintu uu bilaaban doonaa kadib marka ay Baarlamaanku dhagaystaan qorshaha Xukuumadda cusub.
