Xukuumadda Soomaaliya ayaa sheegtay in dhawaan barlamaanka la horgeynayo Qodobada Dastuurka ku jira ee dib u eegista ay ku sameeyeen Guddiga Madaxa Banaan iyo Gudiga Dastuurka ee Baarlamaanka.
Afhayeenka Xukuumadda Soomaaliya Cabdisalaan Axmed Caato oo Warbaahinta kula hadlay xafiiska Raโiisul wasaaraha Soomaaliya ayaa sheegay in Golaha wasiirada ay yeesheen shir aan caadi ahayn, kaasi oo diiradda lagu saaray wax ka badalka lagu sameeyay qodobo ka mid ah dastuurka KMG ah ee dalka.
Related posts
โShir aan caadi ahayn oo ay yeesheen golaha Wasiirada, uuna shir guddoominayay Raโiisul wasaaraha Soomaaliya ayaa warbixinno looga dhageystay guddiga madaxa banaan ee dib u eegista dastuurka iyo guddiga dastuurka ee baarlamaanka, iyagoo golaha ka hor sharxay 10 qodob, oo ay ku jiraan kuwa farsamo, halka kuwa siyaadda dib loogu noqon doono, si looga qeyb geliyo dowlad goboleedyada dalka ka jiraโ ayuu yiri Cabdisalaan Caato.
Dastuurka ย KMG ah ee dalkaย oo ka kooban 15 cutub ayaa dhamaan u baahan in lagu sameeyo dib u eegis loo kala qaadayo arrimo farsamo iyo mid siyaasadeed oo u baahan in laga tallo geliyo maamul gobolyeedyada dalka ka jira.
