Kulanka Baarlamaanka ee maanta waxaa soo xaadiray 141 Xildhibaan, waxaana ajandaha ugu horeeya uu ahaa akhrinta koowaad ee Hindise sharciyeedka la dagaallanka argagixisada, iyadoo Xildhibaannada uu ka hor akhririyay Wasiirka amniga gudaha Mudane Cabdirisaaq Cumar Maxamed oo Xildhibaannada u sheegay in muhiimad gaar ah ay u leedahay hindise sharciyeedkan sugidda amniga guud ahaan ee dalka iyo fulinta sharciga, iyadadoo la dhowrayo xaqa muwaadintiinta Soomaaliyeed ay leeyihiin, waxana uu mudanayaasha ka codsaday in ay meel mariyaan hindishe sharciyeedkan
Dhanka kale mudanayasha Baarlamaanka ayaa loo qeybiyay qaraaro dhowr ah, iyadoo kuwii maanta Xildhibaannada loo qeybiyay ay ku jirtay qaraar ku saabsan Nidaam siyaasadeedka iyo qorshaha sharciga lagu dhisayo dowlad goboleedyada xubinta ka noqonaya dowladda Federaalka ah ee Soomaaliya, kaasi oo uu baarlamaanku u soo diyaariyay Guddiga Arrimaha gudaha iyo amniga, waxaana mudanayaasha qaraarkaasi ka hor akhriyay Xoghayaha Guddiga Xildhibaan Maxamed Axmed Gurxan, waxaana xukuumadda laga codsaday inay soo gudbiso nidaam siyaasadeedka lagu dhisayo Maamul Goboleedyada.
Related posts
Xildhibaanada ayaa sidoo kale loo qeybiyay soo jeedin guddiga la socodka iyo dibย u eegista dastuurka, kaasi oo qaraarka Xukuumadda iyo Baarlamaanka loo muujinayo tubta loo marayo, waxaana Xildhibaanada ka hor akhriyay Xildhibaan Ibraahim Saalax Deefullah oo ah xoghayaha guddiga dib u eegista dastuurka ee Baarlamaanka.
Qaraarada maanta Xildhibaannada loo qeybiyay, waxaa wehliyay qaraar kale oo ย qabyo ah oo aan weli la qeybin, balse Baarlamaanka uu ka hor akhriyay, Guddoomiye ku-xigeenka guddi hoosaad uu Guddoonka baarlamaanka u xilsaaray inay ka soo talo bixiyaan, habka loo wajahayo siyaasadda 2016-ka Xildhibaan Maxamed Cabdullaahi Fadhaye, ย kaasi oo ku qoto siyaasadda 2016-ka lagu hayo dalka.
