Baarlamaanka Federaalka Soomaaliya oo maanta kulan ku yeelanaya xarunta golaha shacabka ayaa akhrinta labaad marin doono hindise sharciyeedka xanaanada xoolaha oo kal hore Xildhibaanada la horgeeyay.
Xildhibaan Maxamed Cumar Maxamuud Habdhowraha baarlamaanka Federaalka Soomaaliya oo la hadlay Radio Muqdisho ayaa sheegay in shirka baarlamaanka ee maanta ay horyaalan labo ajande oo kala ah Hindise sharciyeedka xanaanada xoolaha iyo warbixin laga dhageysan doono guddiga madaxa banaan ee xuduudaha.
“Waxaa jira kulanka Baarlamaanka ee maanta, Hindise sharciyeedka xanaanada xoolaha ayaa mari doono akhrinta labaad, xildhibanada ayaana aragtidooda ka dhiiban doono marka uu akhrinta maro, waxaa kaloo jira mashruuca xasaanadda oo baarlamaanka la horkeeni doono, iyadoo warbixin laga dhageysan doono guddiga Madaxa banaan ee xuduudaha” ayuu yiri Xildhibaan Maxamed.
