Golaha Shacabka Jamhuuriyadda Federaalka Soomaaliya waxa uu markale u xaqiijinayaa shacabka Soomaaliyeed in Baarlamaanka Soomaaliya uusan mas’uul ka aheyn baraha laga sameeyey internetka ee magaciisa lagu sameeyey ay yihiin kuwo been abuur ah.
Xoghayaha guud ee Golaha Shacabka Mudane C/kariin Xaaji Cabdi Buux ayaa yiri “waxaan doonayaa inaan umadda Soomaaliyeed u sheego iney been abuur yihiin bogagga lagu sameeyey magaca Baarlamaanka ee ku jira Facebook iyo Twitter inaanay Baarlamaanku laheyn ee ay kuwa been abuur ah oo magaca Golaha Shacabka looga been sheegayo si gaar ah (https://twitter.com/SpeakerMJawari),Cid kasta oo loogu gefeyna waxaan leenahay haka raali noqdaan oo ha ogaadeen”.
Sidoo kale Mudane C/kariin Xaaji Cabdi Buux ayaa tilmaamay in la ogaaday shaqsiyaadka sameeyey bogagga facebook iyo Twitter oo magaca Baarlamaanka Soomaaliya lagu sameeyey iyo dalalka ay ku nool yihiin islamarkaana dhowaan maxkamad lala tiigsan doono islamarkaana la sameyn doono bogag rasmi ah oo Baarlamaanka Soomaaliya uu ku yeelan doono baraha bulshadu ku kulanto ee Facebook iyo Twitter.
—-DHAMMAAD—-
