Bananbaxan oo ahaa mid si weyn loo soo agaasimay kana dhacay magalada Naaz ee dalka Koonfur Afrika oo ay so qaban qaabisay dowladda koonfur Afrika ayaa waxaa ka qeyb galay Wasiiro, mas’uliyiin ka socot maamulka gobolka, hogaamiyayaal dhinac dhaqanka , Arday, shucuub aad u badan iyo sido kale madxada Safaaradda Soomaaliya iyo Jaaliyadda Soomaaliyeed ee gobolkaasi Mpumalanga.
Ugu horeeyn waxaa goobta ay boqolaalka dadweynaha isugu yimaadeen ka hadlay mas’uuliyiinta maamulka gobol iyo saraakiisha ugu sareeysa ciidanka Booliska ee gobolkaasi Mpumalanga, kuwaasi oo si qoto dheer ugu hadlay weerarada soo laab laabtay ee ajaanib naceybka ah e mar waliba dadka koonfur Afrikaanka ku beegsadaan ajaanibta, iyagoo sheegay in ay aad ugu xunyihiin dhibaatada ajaanibta dalka loogu geeysto, gaar ahaan ganacsatada Soomaalida ah.
Wasiir goboleedka amniga ee gobolka Mpumalanga MEC Vusi Shongwe oo ka hadlay isu soo baxan ayaa u sheegay shacabka koonfur Afrika in marnaba aysan u dulqaadan beegsiga ajaanibta gaar ahaan kuwa kaso jeeda Qaaradda Afrika.
Sido kale Wasiirka ayaa sheegay in dalal badan oo Afrikaan oo dadkooda ay halkan ku nool yihiin ah ay qeyb liibaax leh ka qaateen xoriyadii dalka.
“Waxaana uu baaqay ganacsatada Soomaaliyeed in dhankooda looga baahanyahay u hogaansamida sharciga dalka, waxaana uu xusay in haatan guud ahaan dalka uu ka socda howlgal loogu magac daray (Operation Field ) kaasi oo guud ahaan dalka looga ciribtiraya hubka sharci darada ah loogana hortagaya dadka dhibaatada geeysta iyo kuwa aan sharciga ku joogin dalka,waxaana inta uu banaanbaxani loogu soo horjeedo isirnaceybka socday ay soo bandhigeen Fanaan u dhashay Dalkani heeso ka taariikhda Qaaradda Afrika.
Ugue damneyntii u qeybsanaha Safaaradda Soomaaliyeed ee dalka koonfur Afrika ee dhinac Waxbarashada iyo dhaqanka Cabdi Xalane oo ka hadlay isu so baxa ayaa yiri “Mudanayaal iyo Marwooyin Safaaradda Soomaaliyeed ee K/Afrika iyo Soomaalida ku dhaqan dalkan, waxay idin la garab taaganyihiin taageera buuxda ,waxeyna leeyihiin dooni meyno isirnaceyb, Afrika ha Midowdo”
Banaan baxani ayaa qeyb ka ah olole ay waddo Dowladda Koonfur Afrika loogu hortagayo rabshadaha isirnaceybka marwalba ka dhaca Dalkan.
C/qaadir Axad Warbaahinta Qaranka, Pretoria
