Iyadoo roobka dayrta uu dhawaan ka curtay magaalada Muqdisho iyo qaar ka mid ah gobolada dalka ayaa waxaa uu saameeyay dadka barakacayaasha ee ku nool Caasimadda dalka.
Guddoomiyaha degmada Kaxda ee gobolka Banaadir Maxamed Yuusuf oo la hadlay Radio Muqdisho ayaa sheegay in dadka barakacayaasha ee ku nool degmadaas uu saameeyay roobkii xalay ka da’ay magaalada Muqdisho,isagoo sheegay in uu geystay Khasaare kala duwan.
Related posts
Guddoomiyaha ayaa tilmaamay in roobkii xalay uu burburiyay Guryo ay deganaayeen dad barakacayaal ah, wuxuuna ugu baaqay Hey’addaha ay quseyso arrintaan iyo maamulka Gobolka Banaadir in ay gargaar deg deg ah lasoo gaaraan dadkaan oo aan heysan meel ay ka galaan roobka iyo dhaxanta.
Xilliyada roobabka ayaa dadka barakacayaasha ah waxaa soo wajaho xaalado adag,iyagoo waayo meel ay ka galaan roobabka iyo dhaxanta Habeenkii,waxeyna ku waayaan guryaha ka sameeysan Cooshadaha ee ay ku noolyihiin.
