Barnaamijka kulanka todobaadka oo ka baxa Telefishinka Qaranka iyo Radio Muqdisho ayaa todobaadkan waxaa marti ku ahaa Wasiirka Macdanta iyo Batroolka ee Xukuumadda Soomaaliya Mudane Maxamed Muqtaar Ibraahim oo faah faahin ka bixiyay Hindise sharciyeedka maareynta shidaalka oo uu todobaadkan horgeeyay Baarlamaanka Federaalka ah ee Soomaaliya oo uu sheegay in sharcigan uu yahay mid ahmiyad weyn u leh dowladda, waxaana uu intaa ku daray in sharcigan uu qeexayo saddex hab, isla markaana Wasaaradda ay ka soo saari doonto sharuuc saddexda hab lagu habeyn lahaa.
Mudane Maxamed Muqtaar Ibraahim mar uu ka jawaabayay su’aal ahayd hantida ka maqan dowladda ayuu ku sheegay in keydkii shidaalka ee dalka uu qeyb ka yahay hantida ka maqan gacanta dowladda, ayna sameynayaan qorshe dib gacanta dowladda loogu soo celinayo hantida maqan, maadaama bur burkii dalka uu saameyn ku yeeshay hantida ma guurtada ah ee maqan.
Wasiirka Macdanta iyo Batroolka ee Xukuumadda Soomaaliya ayaa hoosta ka xariiqay in Wasaaraddu ay waddo qorshe uga degsan shidaalka oo ah in Wasaaraddu aysan keyneyn shidaal balse ganacsatada fursado loo siinayo inay keenaa shidaal tayaysan, laguna koontarooli doono.
Halkan ka dhageyso barmaamijka oo dhameystiran
