Hay’adda Bisha Cas ee dalka Isutaga Imaaraadka Carabta ayaa maanta raashin afurin ah u qeybisay qoysas danyar ah oo ku noool degmada C/casiis ee Goblka Bannaadir.
Deeqdaan afurinta ah oo ka kooban raashin biseyl ah ayay hay’adda Bisha Cas ugu tala gashay qoysas badan oo ku nool degmooyinka Gobolka Benaadir, iyadoo goobta lagu qeybinayay afurinta ay goob joog ka ahaayeen Cali Cabdul Daacad oo ah sarkaal hay’ada ay u soo wakiilatay qeybtan deeqdaan iyo guddoomiyaha degmada C/caziz Cusmaan muxiyadiin Cariif.
Ugu horeyntii waxaa goobta ka hadlay wakiilka hay’adda bisha cas Cali Cabdul Daacad oo tilmaamay in barnaamijkan uu qeyb ka yahay macaawino ay dowladda Imaaradaka ugu talagashay inay ku caawiso dadka Soomaaliyeed ee dhibaateysan, waxa uuna hoosta ka xariiqay in ay sii wadi doonaan macaawinada nuucaan oo kale ah.
Mudane daacad ayaa hoosta ka xariiqay in ay bisha cas imaaraadka ay kafaalad qaaday afurinta in ku dhaw 50,000 ( shan kun oo qof ).
Guddoomiyaha degmada C/casiis cusmaan muxiyadiin Cali Cariif oo ka mahad celiay deeqda afurinta ee la soo gaarsiiyay degmadiisa ayaa ugu xusay inay gaarsiiyeen caa’ilooyinka ugu liita ee degmada ku nool, is lamarkaana afurinta ay ku soo beegantay waqti loo baahnaa.
Qoysaskii ka faa’ideystay raashinka bisil ee afurinta ah ayaa uga mahad celiyay kaalmooyinka ay mar waliba la garab taaganyihiin bisha cas imaaraadka Carabtas dadka ku tabaaleysan degmooyinka gobolka Banaadir.
