Bisha barakaysan ee Ramadaan ayaa caawa noqonaysa habeenkii ugu horeeyey dhalashadeeda sannadkan, iyada oo laga arkay meelo badan oo ka tirsan caalamka Islaamka lana xaqiijiyey in maalinta berri la soomidoono .
Meelaha inta la ogyahay laga arkay ee gudaha dalka waxaa ka mid ah Gobollada Galgaduud gaar ahaan Degmada Caabudwaaq oo uu inoo xaqiijiyay Wariyaha Warbaahinta Qaranka Cabdikariin Axmed Bulxan, Muqdisho oo uu inoo xaqiijiyay Axmed Cali Kaahiye iyo meelo kale oo ay inoo xaqiijiyeen culimaa’udiin caan ah.
Radio Muqdisho waxa uu dhammaan Shacabka Soomaaliyeed iyo dhammaan dunida Muslimka Ilaahay uga baryayaa in Soonkan kiisa kale ay caafimaad qab iyo camal wanaagsan ku gaaraan.
