Waxaa sii kordhaya tirada dadka uu soo ridanayo xanuunka shuban biyoodka oo ka dilaacay deegaanada hoos yimaada Degmada Wanla weyn ee gobolka Shabeelaha Hoose, iyadoo xarun caafimaad oo laga hirgeliyay degmadaasna lagu dhaweeyo dad aad u badan…
Agaasimaha isbitaalka degmada Wanla-weyn Dr. Mustaf Xuseen Cabdulle ayaa Radiyo Muqdishu ugu waramay xaaladda shuban biyoodka iyo bukaanada uu soo ridanayo xanuunkan
“20 ayaa saacidihii ugu dambeeyay la keenay isbitaalka Degmada Wanla weyn ee gobolka Shbaleeha Hoose, dumarka waa sagaal 16 ka kalena waa rag, oo 14 ka mid ah ay yihin carruur ka hooseysa shanta sano, mana jirto adeeg caafimaad oo ku filan dadka uu soo ridanayo xanuunka, culeys badan ayaa jira oo waxa ay u baahanyihiin fuuq-celin” ayuu yiri Agaasimaha isbitaalka Degmada Wanla Weyn.
Agaasimaha ayaa codsaday in isbitaalka lala soo gaaro gurmad caafimaad, si wax looga qabto dadka uu soo ridanayo xanuunka shuban biyoodka.
