Waxaa sii kordhaya tirada dadka uu soo ridanayo caabuqa COVID-19 ee ku nool Degmada Gaalkacyo sida ay sheegeen mas’uuliyiin ka tirsan Wasaaradda caafimaadka Galmudug.
Isuduwaha Wasaaradda Caafimaadka Gaalkacyo ee Galmudug Mudane Cabdikariin Abshir Ciise oo la hadlay Warbaahinta Qaranka ayaa bulshada Gobolka Mudug ugu baaqay inay qaataan tallooyinka Caafimaadka ee la xiriira ka hortagga COVID-19.
Guddoomiyaha Culimada Gobolka Mudug Sheekh Muxyadiin Yuusuf Barre ayaa tilmaamay inay tahay waajib diini ah kahortaggidda khatarta cudurka safmarka ah ee COVID-19, isagoo shacabka ka dalbaday inay qaataan tallooyinka bahda Caafimaadka.
