Maamulka Gobolka Shabeellaha Dhexe ayaa ugu baaqay Bulshada Soomaaliyeed ee ku nool Gobolka gaar ahaan siyaasiyiinta, culumaa’udiinka, dhallinyarada, aqoonyahanada ee kasoo jeeda deegaanada gobolka Shabeellaha Dhaxe gaar ahaan dagmada Warsheekh in ay ka qeyb qaataan dib u dhiska wadada xiriirisa Muqdisho iyo Warsheekh ee gobolka Shabeellaha Dhexe oo bacaad fadhiya taas oo wax ka tari doonta isku socodka dadka iyo gaadiidka.
Guddoomiyaha gobolka Shabeellaha dhexe Axmed Meyre Makaraan ayaa ugu baaqay bulshada ku nool degmada Warshiikh in ay gacmaha is qabsadaan ayna u soo jeestaan horumarka gobolka gaar ahaan degmada Warshiikh ee gobolka Shabeellaha Dhexe.
Guddoomiyaha degmada Warsheekh ee gobolka shabeellaha dhexe Axmed Xusen Axmed (Axmed Shiidka) ayaa balan qaaday in uu wax ka qabanayo arrimaha ammaanka degmada.
Guddoomiyahii hore ee degmada Wadajir Axmed Xasan Caddow Axmed Daaci oo ka mid ah siyaasiyiinta Soomalaiyeed ayaa ugu baaqay siyaasiyiinta odayaasha iyo waxgaradka ku nool gobolka Shabeellaha dhexe gaar ahaan shacabka ku nool degmada Warsheekh inay ka shaqeeyaan horumarka Degmada gaar ahaan dhinacyada ammaanka iyo deegaanada hoos yimaado oo mararka qaar la sheegay in ay dadku ku waxyeeleeyaan maleeshiyaad hubeysan.
