Safiirada caalamka u fadhiya dalka Uganda ayaa saxiixay buugga tacsida Allaha u naxariistee Madaxweyne ku-xigeenka dowladii Kacaanka Sareeye Guud Maxamed Cali Samatar.
Xoghayeyaasha koowaad iyo labaad ee Safaaradda Soomaaliya u jooga dalka Uganda Cali Isaaq Ibraahim iyo Cali Qadar oo la hadlay Warbaahinta Qaranka ayaa sheegay in saxiixa buugga tacsida ay ka soo qeyb galeen danjireyaal dhowr ah,
“Buuga tacsida waxa uu yahay, mid lagu muujinayo, tacsi loo dirayo Allaha u naxariistee Sareeye Guud Maxamed Cali Samatar, safiiro dhowr ah ayaa halkan noogu yimid, oo buugga tacsida saxiixay, waxaa kaloo jirta in Xildhibaanno hore oo baarlamaanka Soomaaliya soo maray iyo ganacsato Soomaaliyeed ayaa ka mid ahaa dadkii saxiixay buugga tacsida”.
