Ra’isul Wasaaraha Xukuumadda Federaalka Soomaaliya mudane Xamsa Cabdi Barre ayaa Mudene Cabdiraxmaan Xasan Jimcaale u magacaabay Maareeyaha Sanduuqa Nabadda iyo Xasilinta Soomaaliya, si loo dardar galiyo horumarinta mushaaraadka nabadeynta iyo xasilinta dalka.
Cabdiraxmaan Xasan Jimcaale waa aqoonyahan heerka labaad ee Jaamacadda ka haysta cilmiga Amniga iyo xiriirka Caalamiga ah iyo sidoo kale darajada koowaad ee Jaamacadda ka heysta cilmiga horumarinta dhaqaalaha iyo xiriirka caalamiga.
Cabdiraxmaan Xasan Jimcaale ayaa 15 sanno ee la soo dhaafay ku jiray siyaasadda Soomaaliya, asaga oo xilal kala duwan ka soo qabtay hay’adaha dowladda sida Agaasimaha Telefishinka Qaranka oo uu ahaa 2009–2014, sidoo kale waxaa uu latliye ka soo noqday Xafiisyada Ra’isul Wasaaraha iyo Madaxweynaha dowladda Federaalka Soomaaliya .
Sanduuqa xasilinta iyo nabadeynta ayaa muhiim u ah isku xirka kaalmooyinka nabadeynta Soomaaliya iyo xasilinta deegaannada la.xoreeyay khawaarijta.
