Guddoomiye Ku-Xigeenka labaad ee Golaha Shacabka Baarlamanka Jamhuuriyadda Federaalka Soomaaliya Mudane Cabdullaahi Cumar Abshirow, ayaa maanta Xafiiskiisa ku qaabilay wafdi ka socday dalka aan walaalaha nahay ee Turkiga wafdiga waxaa hoggaaminaayay lataliyaha Madaxweynaha dalka Turkiga Mudane Recep Tayyip Erdogan, Dr. Sercan ÖZAYDIN
Guddoomiyaha waxaa shirka ku wehliyay Xildhibaano ka tirsan Golaha Shacabka Baarlamaanka Jamhuuriyadda Federaalka Soomaaliya.
Lataliyaha Madaxweynaha,ayaa Guddoomiye ku-xigeenka uga Mahadceliyay kulanka uu la qaatay maanta, isaga oo tilmaamay in Soomaaliya ay ka soo ka baneyso colaadihii sokeeye ee soomaray ayna cagta saartay dhabihii horumarka, waxaana uu sheegay in kaalintooda horumarineed sii wadi doonaan si loola jaanqaado calamka intiisa kale.
Gabagabadii Guddoomiye Abshirow, ayaa lataliyaasha Madaxweynaha uga mahadceliyay booqashadiisa, isagoo sheegay in Soomaaliya iyo Turkiga ay yihiin labo dal oo walaalo ah islamarkaana ay sii xoojin doonan wadashaqeynta iyo xiriirka labada Dowladood.
