Guddoomiyaha xiriirka kubadda cagta Soomaaliya ahna xubin ka tirsan Guddiga fulinta CAF, Cabdiqani Saciid Carab, ayaa maanta u ambabaxay dalka Tanzania, isagoo galkaas u tagay in uu kormeero doorashada xiriirka Kubadda cagta dalka Tanzania.
Doorashada xiriirka Kubadda cagta Tanzania ayaa dheceysa 7-da bishan, waxaana mudane Cabdiqani Saciid Carab, uu kormeere ka ahaan doonaa doorashada isagoo wakiil ka ah xiriirka kubada cagta Afrika ee CAF.
Shaqada uu qabanayo ayaa waxaa ka mid ah in uu kormeero habka doorashadu dhacayso, isagoo kaddibna ku dhawaaqi doona natiijada doorashada iyo qaabkii ay ku dhamaatay.
Waa markii ugu horeysay ee qof Soomaaliya ka socda uu korneere ka ahaado doorasho Kubadda cagta ah oo ka dhacaysa mid ka mida dalalka Qaaradda Afrika.
