Guddoomiyaha Gobolka Hiiraan Cali Jeyte Cismaan oo ay wehliyaan Xildhibaanno Cabdullahi Sanbaloolshe Saraakiil Ciidan, Siyaasiyiin iyo Odayaasha dhaqanka, ayaa booqday furimaha dagaalka ee ku dhow degmada Moqokori iyo deegaanka Goobo ee Gobolka Hiiraan oo ay ku suganyihiin Ciidanka Macawiisleeyda.
Guddoomiyaha gobolka Hiiraan Cali Jeyte Cismaan, ayaa Ciidamada Dib-u-xoreynta deegaanka u ballan qaaday in haddii ay Askari Al-Shabaab kamid ah soo dilaan uu siin doono lacag dhan $5,000 sidoo kale qofkii Afhayeenka Al-Shabaab Cali Dheere soo dilaa ayuu guddoomiyaha Gobolka Hiiraan Cali Jeyte u ballan qaday in uu siin doono lacag dhan $25,000.
Xildhibaan Cabdullahi Sanbaloolshe,ayaa dhankiisa uga mahadceliyay dowladda Soomaaliya taageerada ay u Hiiraan la garab taagantahay, waxuuna Macawiisleeyda Hiiraan ugu baaqay in aay soo dhaweeyaan qaabilka kusoo biiray dagaalka ka dhanka ah Al-Shabaab ee Hiiraan ka socda.
