Dunida Muslimka ah marka la gaaro bilkasta 15-ka Ramadan waxaa laga xusaa maalinta agoonta, iyadoo munaasabad arrintaasi lagu weynayo oo ay soo qaban qaabisay Ururka Horumarinta bulshada lagu qabtay Muqdisho, kaasi oo ay ka soo qeyb galeen qeybaha kala duwan ee bulshada.
Munaasabadda waxaa kaloo ka soo qey galay carruurta agoonta ah ee ku jira dhamaan xarumaha ay maamusha hay’adda ee ku yaala caasimadda, waxaana xubnihii ka qeyb galay ay ka sheekeen muhiimada maalintan ookale ay u leedahay in la dhiri geliyo carruurta agoonta ah.
Agaasimaha Guud ee Hay’adda Horumarinta Bulshada Cumar Sheekh Axmed Cismaan oo la hadlay Warbaahinta ayaa sheegay in ujeedka munaasabadda ay tahay sidii loo dhiiri gelin lahaa carruurta agoonta ah.
Guddoomiyaha Fulinta ee Hay’adda Cabdifataax Xasan ayaa sheegay in carruurta agoonta ah ay u sameeyaan barnaamijyo lagu dhiirigelinayo, si loo dareensiiyo inay wax la qeybsan karaan carruurta kale.
Madaxa Xafiiska OIC ee Soomaaliya Maxamed Iidle Sabriye ayaa sheegay in uu aad ugu faraxsanyahay ka soo qeybgalka xafladda, uuna ku bogaadinayo carruurta inay ku dadaalaan waxbarashada.
Ugu dambeyn qaar ka mid ah carruurta agoonta ah ayaa la guddoonsiiyay shahaadooyin.
