Dabkaan oo ka kacay guri ay deganaayeen qoys danyar ah oo ku yaalla magaalada Boosaaso ee xarunta gobolka Bari,ayaa waxaa ka dhashay khasaaro dhimasho ah iyo burbur hantiyadeed.
Wararka aan ka heleyno magaalada Boosaaso ayaa sheegaya in debka ay ku geeriyoodeen afar carruur ah oo saddex kamid ah ay walaalo ahaayeen,waxaana gebi ahaanba gubtay gurigi ay deganaayeen.
Gaadiidka dab-damiska dowladda hoose ee degmada Boosaaso iyo kan mid kamid ah Shirkadaha isgaarsiinta deegaannada Puntland ayaa markii dambe ku guulaystay in ay demiyaan.
Masuuliyiin ka tirsan maamulka magaalada Boosaaso oo goobta tegay ayaa wado dadaallo lagu qiimeynayo khasaaraha rasmiga ah ee ka dhashay debka.
Ma cadda illaa hadda waxa sababay dabka waxeysa wararka qaar sheegayaan in debku uu ka dhashay koronto.
