Deegaanka ceeldibir ee gobalka mudug ayaa mudooyinkii u danbeeyay
waxaa ka jira dhibaatooyin la xariira dhinaca adeegyada caafimaadka
taas oo sababtay sida ay sheegeen maamulka deegaankaasi in cuduro ka
dilaacay deegaankaasi iyo deegaanada hoostaga ay u geeriyoodaan caruur
iyo haween kadib markii ay waayeen adeegyadii caafimaadka ee ay u
baahnaayeen
Gudoomiyaha deegaankaasi ceeldibir C/raxmaan sheekh xasan jimcaale oo
wareysi gaara siiyay maanta warbaahinta qaranka soomaaliya ayaa faah
faahin ka bixiyay halka ay gaarsiisan tahay dhibaatooyinka dhanka
adeegyada caafimaadka iyo saameeynta ay ku yeelatay dadka deegaankaasi
isagoo dhanka kalana sheegay in ay isaga guureen deegaankasi hay’addo
uu sheegay in halkaasi ay hore uga howl gali jiren waxaana uu sheegay
in deegaankaasi iyo deegaanada hoostaga ay ka dilaaceen cuduro kala
duwan isla markaana ay sababeen in caruur iyo haween ay u geeriyoodeen
cudurada qaarkood isagoo sidoo kalana xusay in wali ay halkaasi ka
jiraan dhibaatooyinka la xariira adeegyada caafimaadka oo uu sheegay
in markii horaba ay ahaayeen kuwa aan kaafin karin bulshada ku nool
halkaasi
Gudoomiyaha Deegaanka ceeldibir Ayaaย dhanka kale ka codsaday
wasaarada caafimaadka dowlada fadaraalka soomaaliya in lasoo gurmado
dadka deegaanka ceeldibir isagoona xusay in dhawaan masuuliyiin ka
socata wasaarada caafimaadka dowlada fadaraalka ay halkaasi gaareen
una kuur galeen xaalada caafimaad dario ee ka jirta deegaankaasi iyo
deegaanada la xariira
Maahan markii u horeysay oo maamulka deegaanka ceeldibir ay ka
codsadaan in laga caawiyo baahiyada dhanka adeegyada caafimaadka
maadaama deegaankasi uu ku yaalo cirifka bari gobalka mudug oo ah meel
ay aad u adag tahay in si dag dag ah lasoo gaarsiiyo dadka qaba
xanuunada kala duwan goobaha caafimaad ee ku yaala magaalada Galkacyo
oo masaafo ahaan ujirta 180 km oo aan laheyn wadada hagaagsan
Waxaa diyaariyay wariye C/risaaq Maxamed Axmed Galkacyo
