Maamulka Gobolka Banaadir ayaa xalay Aqalka Dowladda Hoose ee Xamar casha sharaf ugu sameeyay Wafdi ka socday dowladda Masar oo uu Hogaaminayey Kaaliyaha Wasiirka Arrimaha dibadda Masar u qaabilsan Qaaradda Afrika Dr Maxamed Idirs.
Casho sharafta ayaa waxaa ka qeyb galay Wasiiro ka tirsan Xukumadda Federaalka ah ee Soomaaliya, Taliyeyaal ciidan iyo dhamaan shaqaalaha dowladda Hoose ee Xamar
Guddoomiyaha Gobolka Banaadir ahna Duqa Caasimadda Muqdisho Mudane Yuusuf Xuseen Jimcaale (Madaale) ayaa ugu baaqay Dowladda Masar in ay dhistaan Safaaradda Masar ee Soomaaliya, taas oo sii hagaajin doonta Xiriirka Saaxiibtinimo ee ka dhaxeeya labada Dal.
βAniga cimrigeyga 3 u qeyb qeyb ka mid ah, waxaan ku soo qaatay dalka Masar, Laga soo bilaabo tacliinteyda dugsiga sare ilaa heerka Jaamacadda, waana wadan aan jeclahay, mana hilmaami karoβ ayuu yiri Guddoomiye Madaale.
