Cayaartooyda Degmada Goldogob ee Gobalka Mudug ayaa ku guleeysatay Galabta Tartankii kubadda Cagta degmooyinka Gobalka Mudug ee Puntland kadib markii cayaartii kama dambeysta aheyd ay isaga horyimaadeen Dagmooyinka Gaalkacyo iyo Goldogob
Cayaarta oo ku soo idlaatay daqiiqadihii loogu talagalay bar baro ayaa waxaa rigoorayaal ama gool ku laad guushu ku raacday Cayaartooydii ku cayaarayay Degmada Goldogob
Mas’uuliyiin ka tirsan kuwa dowlad gobaleedka Puntland ayaa goob joog ka ahaa kulanka galabta guushu ku raacday cayaartooyda Degmada Goldogob, waxaana ay hambalyo u direen Cayaartooyda maamulka iyo Bulahada ku nool Degmada Goldogob
Guddoomiyaha Gobalka Mudug ee Faysal Sheekh Cali ayaa hambalyo kadib sheegay in ka maamul ahaan ay u mahadcelinayaan dhamaan cayaaryahanadii matalayay degmooyinka Gobalka Mudug, shacabka magaalada Gaalkacyo, ciidamada Amniga oo uu si gaar ah ugu amaanay in ay xil weyn iska saareen sugidda Amniga intii tartanku socday
