Degmada Hodon ayaa u soo baxday afar- dhamaadka tartanka kubbadda Gacanta Degmooyinka iyo Deegaanada Gobolka Banaadir 2021.
Hodon oo tartanka daafacanaysa ayaa dhigooda Dharkeenleey uga adkaaday 35-24, kadib mrkii ay garoonka Wiish ku yeesheen kulankii koowaad ee wareegga 9-aad, waxayna afar-dhamaadka la ciyaari doontaa guulaystayasha Degmooyinka Cabdicasiis iyo Deyniile oo ku ballansan kulanka labaad ee wareegga 8-da kaasoo 23 oktoobar 2021 ka dhici doona garoonka Wiish.
Laacibka ugu bandhigga wanaagsanaa kulanka ayaa waxaa loo aqoonsaday Cabdullaahi Cali Ibraaahin oo No-9 u qaata Degmada Dharkenleey.
