Tartanka kubbadda cagta degmooyinka iyo deegaannada Gobolka Banaadir ee 2021 ayaa si habsami leh uga socda Garoomada Kubadda Cagta ee Injineer Yariiisow iyo Stadium Muqdisho ee Gobolka Banaadir.
Xidigaha Degmada Kaaraan ayaa 2-1 uga badiyay dhigooda degmada Hodon oo ay Garoonka Injineer Yariisow ku qaateen kulankii 13-aad ee tartanka kubadda cagta Degmooyinka iyo Deegaannada Gobolka Banaadir.
Xulka degmada Kaaraan ayaa waxaa labada gool oo rigoore ahaa u dhaliyay kabtankooda Cabaas Xuseen Axmed, halka kooxda Hodon goolka ay la timid uu ahaa isna rigoore, sidaas ayayna ku soo idaatay cayaartar 2-1 oo ay guusha ku raacday Kaaraan.
Dhanka kale Xidigaha degmada Xamar Jajab ayaa 2-0 uga badiyay dhigooda degmada Kaxda oo ay garoonak Muqdisho ku yeesheen kulankii 14-aad ee tartanka, waxaana labada gool u dhaliyay Yuusuf Nuur Iimaan iyo Xasan Cusmaan Dheere.
Kala sareynta Group C.
1- Hodon 2 kulan 3 dhibcood
2- Kaaraan 1 kulan 3 dhibcood
3- Kaxda 2 kulan 3 dhibcood
4- Xamar Jajab 2 kulan 3 dhibcood.
