Kooxda ku ciyaaraysa Magaca Wakaaladda SONNA ee ka qaybgalaysa Tartanka ciyaaraha Ramadaanka ee ka socda degmada Warta Nabada ee magaalada Muqdisho ayaa guul gaartay.
Kulan ciyaareed xiiso badan oo kooxda ay kaga hortay ciyaartoyda kooxda Otango ayay ku garaaceen 4-2, iyadoo qaybtii hore ee ciyaarta ay ku dhamaatay 2-1 oo ay ku hogaaminayeen ciyaartoyda Wakaaladda Qaranka ee SONNA.
Ciyaartaan ayaa ah kulankii Labaad iyadoo kulankii hore ciyaartoydaan ay soo galeen bar baro 1-1 ah.
Xidigaha ku ciyaaraya magaca Wakaaladda SONNA ayaa rajo badan ka qaba inay ku guuleystaan Koobkaan, iyagoo Sanadkii hore gaaray Kama danbaysta ciyaarahaan oo markii danbe looga qaaday koobka kulankii Final-ka ahaa.
