Ciidmada Ammaanka ee Jubbaland ayaa maanta fashiliyay miino ay Al-Shabaab galiyeen wadada udhaxeeyso Yoontooy iyo dalcadda lug law, miinadaan ayaa maleeshiyada Al Shabaab wax ay doonayeen in ay ku waxyeeleeyaan dadka rayidka ah ee isticimaalayay wadadaasi.
Afhayeenka Nabad sugidda iyo Sirdoonka Jubbaland Saciid Cabdi Daahir oo warbaahinta la hadalay ayaa sheegay in ciidanka ay qabteen howla muhiim ah, loona baahanyahay in la bad baadiyo shacabka Soomaaliyeed.
Dhanka kale Afhayeenka ayaa sheegay in ciidanka maanta fashiliyay miinadaani ay abaal marin donaan maadaama uu sheegay in ay qabteen howl wanaagsan, isla maraana ay ka midtahay waajibadka loo igmaday.
Mudooyinkaan danbe ciidamada ammaanka ayaa waday dar dargilinta ammaanka guud ee degaanada xorta ah ee Jubbaland, shalay ayey ahayad markii ciidamada Nabad sugiddu oo kaashanaya ciidanka Danab ay weerar qorsheeysan ay ku qadeen degaanno hoos yimaado Jamaame ee Gobolka Jubbada Hoose weraradaasi oo ay ku bur buriyeen fariisimo ay Al-Shabaab ku lahaayeen degaanadaasi.
