Ciidamada ammaanka ayaa goordhaw soo afjaray weerarkii maleeshiyaadka argagixisada Al-shabaab ay ku qaadeen Hotelka Madiina Ex-Cascaseey oo dad shacab ah ay deganaayeen kaasย oo ku yaala magaalada Kismaayo ee Xarunta KMG dowlad Goboleedka Jubbaland.
Saraakiisha Ciidamada amniga maamulka Jubbaland oo la hadlay Radio Muqdisho ayaa xaqiijiyay in la soo gebagabeeyay weerarkii arxan darada ahaa ee argaggixisadu ay ku gumaadeen dad aan waxba galabsan, iyagoo toogtay maleeshiyaadkii weerarka soo qaaday.
Saraakiisha amniga iyo goobaha Caafimaadka oo aan la xiriirnay ayaa sheegay in aan la xaqiiji karin tirada saxda ah ee dhaawaca iyo dhimashada ย ka dhalatay weerarka maleeshiyada Al-shabaab ay ku beegsadeen dad rayid ah, waxeyna sheegeen in uu socdo baaritaan kadibna Warbaahinta lala wadaagi doono markuu soo dhamaado.
Madaxweynaha JFS mudane, Maxamed Cabdullaahi Farmaajo, Guddoomiyaha Golaha Shacabka mudane, Maxamed Mursal Sheekh C\raxmaan iyo Ra’iisul wasaarahaย XFS mudane, Xasan Cali Kheyre ayaa ka tacsiyeeyay dadkii ku dhintay weerarkaas, iyagoo Alle uga ย baryay inuu Naxariistii Janno siiyo inta dhaawacana u boogga dhayo.
