Ciidamada Ammaanka ayaa ku guuleystay inay toogtaan dhagarqabayaashii weeraka soo qaaday ย ee doonayay inay galaan gudaha Hotelka Saxafi ee magaalada Muqdisho.
Labo gaari oo laga soo buuxiyay waxyaabaha qarxa ayaa ku qarxay wadada hor marta Hotel Saxafi, halkaasi oo ay ku dhinteen inta la ogyahay 10 ruux oo shacab ah, kuwaasi oo qaarkood marayay wadada halka ay ku dhaawacmeen kuwa kale.
Maleeshiyaadka ka tirsanaa argagixisada Al-Shabaab ayaa markii ay qaraxyada dhaceen kaddib isku dayay inay gudaha u galaan Hotel Saxafi balse ciidamada amaanka ayaa toogasho ku dilay afar ka tirsan argagixisada Al-Shabaab, sida uu Warbaahinta Qaranka u xaqiijiyay Afhayeenka Ciidanka booliska Qaasim Axmed Rooble.
