Taliyaha qaybta Booliska Gobolka Mudug Gaashaanle Sare Maxamud Cabdixakiin Yuusuf ayaa kulan la qaatay qaar ka mid ah warbaahinta ka howlgasha Gobalka Mudug oo uu qeyb ka ahaa Wakiilka Warbaahinta Qaranka ee Gobalka Cabdirisaaq Maxamed Axmed, kaasi oo looga hadlay sidii bahda Warbaahinta iyo taliska Qaybta Booliska Gobolka Mudug ay u yeelan lahaayeen wada shaqayn dhow, oo la isaga kaashan lahaa Amniga iyo Horumarka Gobalka.
Wakiilada ka socday qaar ka mid ah Warbaahinta Gobolka ayaa hadalo isugu jiray talooyin iyo toosin lawadaagay Taliyaha qaybta iyo saraakiisha ku wehelinaysay kulanka.
Ugu danbayn Taliyaha qaybta Booliska Gobolka Mudug Gaashaanle Sare Maxamud Cabdixakiin Yuusuf ayaa uga mahadceliyey warbaahinta sida ay u gala shaqeeyaan amniga Gobalka, sidoo kalana balanqaaday iney joogtayn-doonaan wada shaqaynta Warbaahinta iyo taliska qaybta, si la isaga kaashado amniga iyo Xasiloonida Gobolka.
