Ciidamada ammaanka ee Dowladda ayaa baaritaan ka wada xaafadda Holwadaag ee magaalada Baledweyne oo ay ku raadinayaan Kooxihii ka dambeeyay dilal ka dhacay shalay halkaasi, si loo horkeeno cadaaladda.
Wariyaha Warbaahinta Qaranka ee gobolka Hiiraan Ibraahim Muxumed ayaa soo sheegaya in baaritaanada ay dabo joogaan falal dil ah shalay Howlwadaag loogu geystay askari iyo qof kale oo shacab ahaa, iyadoo kuwii falkaasi geystay ay goobta ka baxsadeen.
Ciidamada ayaa mid mid u baaraya guryaha ku yaala xaafadda Howlwadaag ee magaalada Beledweyne iyo gaadiidka xaafadaasi isticmaala, si gacanta loogu dhigo kooxihii ka dambeeyay falalkii dilka ahaa halkaasi ka dhacay.
Saraakiisha amniga oo la hadlay Radio Muqdisho ayaa sheegay in marka uu dhamaado howlagalada ay saxaafadda u soo gudbin doonaan.
