Ciidamadda Dowlad Goboleedka Galmudug ayaa caawa Gudaha u galay Magaalada Guriceel, halkaasoo labo Usbuuc ay haysteen Xoogag Hubaysan.
Guddoomiyaha Guriceel, Anas Cabdi Macalim oo la hadlay Radio Muqdisho ayaa sheegay in Ciidanka oo ay la socdaan Maamulkii Magaalada inay la wareegeen inta badan gacan ku heynta magaalada, iyagoo aan la kulmin iska caabin.
Wariyaheena Gobalka, Cabdulaahi Warsame ayaa isna xaqiijiyay in Xoogagii hubaysnaa ee Magaalada qabsaday inay isaga baxeen Saldhigii Booliska iyo Goobo kale oo muhiim ah, iyadoo lala wadaagay Sawiro muujinaya shacab Saldhiga banaankiisa dhooban.
