Wararka laga helayo saraakiisha laamaha amniga gobalka Mudug ee Galmudug gaar ahaan nabad sugida iyo booliiska ayaa sheegaya in ilaa 3 ruux oo la tuhunsan yahay ineey ku lug lahaayeen miinooyin iyo qaraxyo la doonayay in lasoo galiyo magaalada Gaalkacyo ay qabteen ciidamada.
Raggan ayaa lagu qabtay howlgal qorsheysan oo ay ciidamadu ka sameeyeen dhulka miyiga ee hoostaga deegaanka Dagaari oo 30 km dhanka koofureed ka xiga magaalada Galkacyo.
Saraakiisha ayaa sidoo kale sheegay ineey jiraan shaqsiyaad la tuhunsanayaal ah oo aan wali soo galin gacanta laamaha amniga, balse ay socanayaan baadi goobkooda kuwaas oo ay xuseen in laga yaabo in eey isaga carareen magaalada.
Wixii faah faahin intaas kasoo kordha insha allaah waan soo gudbindoonaa.
