Ciidanka gaarka ee Mareykanka ayaa soo furtay muwaadin u dhashay dalka Mareykanka oo lagu heystay waqooyiga Dalka Nigeria.
Saraakiisha Mareykanka ayaa sheegay in ciidmada Navy SEALs ay weerar qorsheysan ku qaadeen goob lagu heystay Philip Walton, kaas oo talaadadii aynu soo dhaafnay la afduubtay.
Mareykanku waxay sheegeen in weerarka oo xalay dhacay lagu dilay qaar ka mid ah kooxihii heystay Philip Walton .
Ma jiraan wax qasaare ah oo gaaray ciidanka Mareykanka sida ay sheegeen saraakiisha .
Philip Walton oo ah 27 jir waxaa iminka gacanta ku haya oo xaalkiisa la socda Waaxda Arimaha Dibadda ee Mareykanka
Guul weyn ayey u tahay ciidankeena gaarka ee Mareykanka ayuu ku yiri bartiisa Twiterka Madaxweyne Donald Trump .
