Saacadihii la soo Dhaafay Waxaa Deegaano Hoostaga Gabalka Bari ka dhacay Dagaalo u dhaxeeya ciidamada Difaaca Puntland iyo Kooxda nabad diidka ah ee Alshabaab, ku waasi oo ku dhuumaalaysanayay buuralayda Silsilada ah ee Calmadow oo xiriirisa Gobalada Bari iyo Sanaag.
Wajiga koowaad ee dagaalka ayaa ahaa mid kooban oo ka dhacay wadada Sugure halkaasi oo ay kooxda Alshabaab u galiyeen Miinooyin Gaadiid Kolanyo ahaa oo u socday Saldhiga ciidamada Puntland ee deegaanka Af urur halkaasi oo ay ciidamadu kacayr- sadeen Kooxdii argagaxisada ahayd ee soo weerartay mana jiro khasaaro la xaqiijiyay oo soo gaaray Ciidamada Difaaca Puntland.
Related posts
Galinkii Hore ee Xalay ayaa waxaa dagaal Saacado qaatay ka dhacay buuralayda dhanka waqooyi ee tuulada Af urur halkaasi oo ay isku uruursanayeen Kooxaha nabad diidka ahi, kadibna ay ogaadeen Ciidamada taliska Af urur oo ka hor tagay weerarkii ay Maaganaayeen.
Lama sheegin ilaa hada khasaaraha rasmiga ah ee dagaaladaasi ay sababeen iyadoona saraakiisha amniga Puntland ku gaabsadeen inay wadaaan howl gallo lagu sifaynayo kooxaha nabad diidka ah ee ku dhuumaalaysta buuralayda Calmadow.
wixii warar ah ee ka soo kordha dib ayaan idinkula soo socod siin doonaa Inshaa Allaah.
