Talisyada Ciidamada qalabka sida qeybohooda ka howlgala Galmudug ayaa ka qeyb qaadanaya ka hortagista daadad xoogan oo ku soo rogmadey magaalada Dhuusamareeb ee caasimada Galmudug kadib roobab saacadihii ugu dambeeyey ka da’ayay magaalada iyo nawaaxigeeda.
Shaqada ciidamada qalabka sida ka qabteen biyo xireenada magaalada Dhuusamareeb ayaa intii ay socotay waxaa wada jir u kormeeray Xildhibaan Cabdi Xakiin Macalin Axmed iyo saraakiisha hugaamisa ciidamada.
Taliyaha qeybta 21-aad Gen: C/Casiis C/laahi Cabdi “Qooje” iyo taliyaha Danab ee qeybta 21-aad G/Le Muqtaar Aadan oo ay wehliyaaan saraakiisha talisyada ciidamada Booliska iyo Nabadsugida ayaa howl shaqo oo Lagu dhisayo biyo xireenada magaalada Dhuusamareeb maanta ka qeyb galey waqtigaasi oo biyo badan magaalada uu Ku Soo Rogey biyo xireenka magaalada oo gidaarada jabsadey
Inta la ogyahay daadadka ayaa guryaha ka saarey tiro qoysas ah oo daganaa Xaafadaha Dayax iyo Waxara-cade waxaana buux dhaafey wadooyin muhiim ah xiligan oo wali Roobku Da’ayo
Talisyada Ciidamada Qalabka Sida iyo Maamulka degmada Dhuusamareeb ayaa goor dhow soo idleeyay howsha biyo xireenada inkasta oo shaqadu biloow tahay waxaana ciidamadu diyaar u yihiin buuxinta kaalinta garabsiinta iyo taageerida shacabka Soomaaliyeed.
