Ciidamada Xoogga Dalka Soomaaliyeed gaar ahaan Guutada shanaad qeybta 27aad ayaa howlgallo ay kula dagaalamayaan maleeshiyada Al-Shabaab ka wada deegaanada u dhexeeyo Degmooyinka Matabaan iyo Maxaas ee Gobolka Hiiraan, halkaasi oo ay ku dhuumaaleysanayeen dhagar qabayaal ka tirsan argagixisada.
Ujeedka howlgallada ayaa ah xaqiijinta amaanka deegaannada u dhexeeyo degmooyinkaaasi kuwaasi oo bilihii la soo dhaafay ay maleeshiyada Al-Shabaab dadka rayidka ah ku dhibaateeyn jireen.
Guddoomiyaha Gobolka Hiiraan Cali Jeyte Cismaan Taliyaha Guutada Shanaad qeybta 27aad ciidamada Xoogga Dalka korneyl Maxamuud Xasan Ibraahim “Korneyl Baakaay” oo ay wehliyaan Guddoomiye ku-xigeenka Amaanka Gobolka Hiiraan Axmed Cismaan Cabdala iyo saraakiil ka tirsan Ciidamada Xooga Dalka ayaa kormeeray deegaanno dhawaan laga ciribtiray maleeshiyada Al-Shabaab.
