Ciidamadda Xoogga Dalka Soomaaliyeed oo sii wada howl-galada ay ku baacsanayaan Haraadiga nabaddiidka Al-shabaab ayaa saaka ku jarmaaday deegaano ay Argagixisadu ka maamuleysay Gobolka Gedo ee koofurta Dalka.
Related posts
Deegaano badan oo hoos taga degmada Baardheere ayeey Ciidamadu kala wareegeen gacan kuheynta Al-Shabaab, kuwaas oo mudo shacabka ku nool ku dhibaateynayeen.
Howlgalka ayaa intii uu socday waxaa la sheegay in lagu soo qabtay Xubno ka tirsan Horjoogayaal iyo maleeshiyaad ka tirsan Kooxda Arxanlaawayaasha ah Ee Al-Shabaab,kuwaas oo ku sugnaa Saldhigyo ay ku leeyihaayeen tuulooyin ku dhow degmada Baardheere.
Guddoomiyaha degmada Baardheere ee Gobolka Gedo Cabdullaahi Nuur Xasan Cadow ayaa sheegay in howlgalkaan ay markii hore kasoo bilaabeen deegaano hoostaga degmada dhoobleey,isla markaana ay la wareegeen deegaano ay ku sugnaayeen Al-Shabaab.
Gudoomiyaha ayaa intaasi ku daray in ay sii socon doonaan howl-galada ka dhanka ah maleeshiyada Al-shabaab.
