Warsaxaafadeed ay soo saareen ciidamada Nabad ilaalinta Midowga Afrika ee AMISOM ayaa lagu sheegay in howlgallo ay si wada jir ah u fuliyeen ciidanka AMISOM iyo ciidamada xoogga dalka Soomaaliyeed lagu dilay lix horjooge oo ka tirsanaa maleeshiyaad Al-Shabaab, kuwaasi oo ku kala sugnaa deegaanada Leego iyo Janaale ee gobolka Shabeelaha Hoose.
Howgallada oo socday horaantii todobaadkan ayaa ciidamada wada jirka ah waxa ay ku dileen Lix ka tirsan horjoogayaasha sare sare ee Al-Shabaab oo ajaanib ay ku jirtay, kuwaasi oo kala ah Aadan Baale oo Shabaab u qaabilsanaa deegaanka Leego ee gobolka Shabeellaha Hoose, Sheikh Mohamed Ali ku-xigeenka labaad ee horjoogaha Shabaab ee deegaanka Janaale, Mohamed Abribao, Hassan Ali Dole oo Shabaab dhanka amniyaadka ugu xilsaarnaa gobolka Shabeellaha Hoose, nin u dhashay dalka Yemen oo magaciisa lagu soo koobay โAbu Islamโ nin Kenyaan u dhashay oo lagu magacaabi jirayย Sheekh Mansur oo u qaabilsanaa dhanka tababbarada.
General Sam Okiding oo u AMISOM u qaabilsan Sector 1 ayaa tilmaamay in howlgalka uu ahaa mid ay si wada jir ah u fuliyeen ciidamada AMISOM oo gacan ka helaya ciidamada xoogga dalka Soomaaliyeed, isla markaana lagu guuleystay in lagu furo waddooyin ay ku dhuumaaleysanayeen maleeshiyaadka Shabaab ooย ay dadka ku dhibaateyn jireen.
General Sam Okiding ayaa intaa ku daray in howlgallada la sii joogteyn doono, si guud ahaan deegaanada gobolka Shabeellaha Hoose looga cirib tiri lahaa haraadiga Al-Shabaab.
