Ciidanka Xoogga Dalka ayaa howlgal qorshaysan ka fuliyey deegaano ka tirsan Gobalka Baay oo ay Maleshiyada Al Shabaab u aheyd Goobo lagu aruuriyo askareynta Carruurta iyo Dadka Reer Miiga ah oo laga qaado lacago baad ah.
Taliyaha Ururka 47-aad ee Guutada 8-aad Qeybta 60aad Ciidanka Dhulka Xoogga Dalka Soomaaliyeed Ahmed Maxamed Nuur (Ahmed Dhagey) oo howlgalka hoggaaminayay ayaa tilmaamay in laga fuliyay Degaannada kala ah Howlaha Guud, Barbaar Eesi, Warta Yarey iyo Degaanka Mooro Bus oo isku xira waddooyinka Gobalada Baay, Bokool iyo Gedo.
