Ciidanka Xoogga Dalka Soomaaliyeed, gaar ahaan Kumaandooska Gorgor, Qeybta 21-aad, iyo ciidamadda deegaanka, ayaa howlgallo qorsheysan ka fuliyay deegaano ka tirsan degmada Xarar-dheere ee gobolka Mudug, gaar ahaan Tuulo Xaaji iyo Tuulo Cadad.
Howlgalka, oo socday muddo saddex maalmood ah, ayaa lagu ciribtiray maleeshiyaadka Khawaarijta, kuwaas oo xogtooda la helay, xilli ay maleegayeen falal argagixiso. Ciidamadda ayaa si taxaddar leh uga hortagay kooxaha nabad-diidka ah, iyagoo beegsaday goobo ay isku uruursanayeen.
Wararka ka imanaya magaalada Xarardheere ee gobolka Mudug ayaa sheegaya in saraakiisha hoggaamineysa howlgalka ay xaqiijiyeen in cadowga lagu gaarsiiyay jab xooggan, isla markaana la burburiyay saldhigyo ay ku dhuumaaleysanayeen. Intii uu howlgalka socday, Khawaarijta waxaa laga dilay tiro maleeshiyaad ah.
