Ciidanka Xooga Dalka ayaa Howlagalo lagula dagaalamayo Kooxda Al Shabaab ka sameeyay Deegaano hoostaga Gobalka shabeelaha Dhexe oo ay horay ugu sugnaayeen Maleeshiyaadka Al Shabaab.
Korneel Cali Calasow Taliyaha Ciidanka Xooga Dalka Qeybta ka howlgasha Gobolka Shabeelaha Dhexe oo Wareysi Siiyey Radio Muqdisho ayaa sheegay in Ciidanku lawareegay Deegaano hor leh oo Al Shabaab horay u joogeen.
“Deegaanada aan ka saarnay waxaa kamida Deegaanka Alifooldheere iyo kuwo kale oo ay dadka ku dhibaateyn jireen xili kasta, sidoo kale waxaan wali wadnaa howlgalkeena waxaana rajeyneynaa in aan ka soo saarno Deegaano hor leh Saacadaha soo socda”. ayuu yiri Taliyuhu
Ciidanka Qalabka sida ee Soomaliya ayaa meelo badan oo kamida Gobolada Dalka kawada howlgalo Safbalaaran ah kuwaas oo loogu gol-leeyahay sidii Maleeshiyaadka loo cirib tirilahaa.
