Ururka 7-aad Guutada 16-aad ee Ciidanka kumaandoosta Danab ee Xoogga Dalka ayaa howlgalka qorsheysan ka sameeyey degaannada Dhiin garas, Shaam, Diinlaawe iyo Jameeco, iyagoo halkaasi ku burburiyay fariisimo ay Argagixisada Al-Shabaab ku lahaayeen halkaas.
Degaannada ayaa Argagixisada Al-Shabaab waxay ku lahayeen goobo ay gabaad ka dhigtaan, baro kantarool iyo goobo ay ku qaadaan waxa ay ugu yeeraan Zakawaadka oo ah dhaca xooloha shacabka Somaliyeed.
Ciidanka Danab ayaa muddooyinkii u dambeeyay ugaarsi ka dhan ah haraadiga nabad-diidka Al-Shabaab waxa ay ka wadeen deegaanno ka tirsan goobahii ugu dambeeyay ee ay kaga dhuumaalaysayeen Gobolka Shabeellada Hoose.
