Ciidanka sida gaarka u tababaran ee dowladda Soomaaliya ayaa soo afjarayย weerar Argagixisada Al-Shabaab saaka ku qaadeen Guri ku yaala magaalada Gaalkacyo oo uu daganaa wadaad lagu magacaabo Cabdiweli Cali Cilmi Yare.
Gaari waxyaabaha Qarxa laga soo buuxiyay ayaa la sheegay in Guriga lagu dhuftay ka dibna Naftood haligayaal ka tirsan Al-Shabaab ay gudaha u galeen Guriga.
Ciidanka xoogga dalka Soomaaliya ee sida gaarka u tababaran ayaa mid mid u toogtay dhammaan naftood haligayaasha Al-Shabaab ee doonayay inay shacab badan ku dilaan halkaas.
Wali lama oga inta uu la egyahay khasaaraha soo gaaray dadka shacabka, inkastoo wariyaha Warbaahinta Qaranka ee magaalada Gaalkacyo uu soo sheegayo inuu arkay Maydadka Maleeshiyaadka Argagixisada ee ay laayeen ciidanka xoogga dalka Soomaaliya.
Wixii ku soo kordhaa la soco goor dhow
