Ciidanka Daraawiishta dowlad Goboleedka Jubbaland iyo kuwa Ciidanka Xoogga dalka ayaa howlgal ka dhan ah Maleeshiyaadka Al-shabaab waxaa ay ka fuliyeen deegaano dhaca Gobolka Jubadda Hoose halkaas oo markii oo hore ku sugnaayeen.
Howlgalka Ciidamada ayaa intii uu socday waxaa ay Kooxda Al-shabaab kala wareegay deegaano dhowr ah oo ku yaalla Waqooyiga Gobolka Jubbada Hoose.
Deegaanada Maleeshiyaadka Al-shabaab laga qabsay ayaa waxaa kamid ah Araare, Balad-Raxma iyo Kobon oo hoostaga Degmada Jamaame ee Gobolka Jubbada Hoose,isla markaana waxaa halkaasi Saldhigyo ku lahaa Kooxda Al Shabaab.
Afhayeenka Wasaaradda Amniga dowlad Goboleedka Jubbaland Cabdnuur Ibraahim Xuseen oo howlgalka qayb ka ahaa oo la hadlay warbaahinta ayaa waxaa uu sheegay in 8 katirsan Maleeshiyaadka Al-shabaab lagu dilay iska hor imaad ka dhacay deegaanka Kobon.
Ciidanka Daraawiishta dowlad Goboleedka Jubbaland iyo kuwa Ciidanka Xoogga dalka Soomaaliya ayaa waxaa ay howlgal ka wadaan deegaano ka tirsan Gobolka Jubadda Hoose, halkaasi oo meelo kamid ah dadka shacabka ku dhibaateeyaan Al-shabaab.
