Ciidanka Xoogga Dalka Soomaaliyeed oo kaashanaya geesiyaasha Deegaanka ayaa guul weyn ka gaaray dagaal ka dhacay Deegaanka Boos Hareeri ee gobolka Shabeellaha Dhexe. Ciidamada oo ka war qabay weerarka khawaarijta ayaa ka hortagay, iyagoo dhirbaaxo adag ku dhuftay argagixisadii la soo qalday.
Inta uu socday dagaalka waxaa lagu dilay 20 dhagarqabe oo isugu jiray horjoogayaal sare iyo maleeshiyaad, Ciidamadda ayaa gacanta ku dhigay gaadiid iyo saanad ciidan oo ay wateen khawaarijtii la soo afjaray.
Howlgalkaan guulaystay ayaa qeyb ka ah dadaallada joogtada ah ee Dowladda Federaalka Soomaaliya ay ku doonayso inay khawarijta uga xorayso dhulka ay kaga dhuumaalaysanayaa Dalka.
