Khasaare isugu jira dhimasho iyo dhaawac ayaa ka dhashay dagaal culus oo ciidanka xoogga dalka ay kula gleen Argagixisada Al-shabaab deegaanka Madhooy oo hoos taga degmada Matabaan ee Gobolka Hiiraan.
Ciidanka xoogga dalka ayaa weerarka qaaday, waxaana durba lasoo warinayaa in jab xoogan halkaas loogu geystay Argagixisada Al-Shabaab.
Wararkii u dambeeyey ee aan heleyno waxay sheegayaan in dagaalka ay guulo ka gaareen ciidamada dowladda Soomaaliya, isla markaana goobihii lagu dagaalamay ay isaga carareen kooxihii nabadiidka ahaa.
Guddoomiyaha Gobolka Hiiraan Cali Jeyte Cismaan iyo taliyaha guutada 5-aad qeybta 27-aad Korneyl Maxamuud Xasan Ibraahim Baakay ayaa hoggaaminaya howlgalka ay ciidamada dowladda Soomaaliya Argagixisada Al-Shabaab uga saareen deegaano dhowr ah oo dhaca inta u dhaxeysa magaalooyinka Maxaas, Matabaan iyo Beledweyne ee gobolka Hiiraan.
